a


 
 
Tuisblad

Bedrywighede

Omtrent Ons

 Nuusbrief

Notule van Jaarvergadering

Publikasies

Bestel 'n Publikasie

Sluit aan by die Vereniging

Voorlegging van navorsings-voorstelle

Voorskrifte vir Redakteurs

Herdrukke

Skakels

Kontak Ons

Grondwet


 

a

 »»  BEDRYWIGHEDE  ««

Lansering van die 2015 Volume

Ná die jaarvergadering het die geesdriftige bekendstelling gevolg van An Entirely Different World. By hierdie geleentheid is ʼn kopie van die volume aangebied aan ons spesiale gas van die aand, die Russiese Federasie se konsul-generaal in Kaapstad, mnr Roman E. Ambarov. Die redakteur het toe vir die aandagtige gehoor vertel hoe dit gekom het dat hy die boek saamgestel en geredigeer het; daarna het die mense na die huis se formele tuin gegaan, waar hulle tot lank na sononder gebly en van die oorvloedige aanbod van verversings geniet het.

Lede wag vir die Jaarvergadering om te begin

...en kuier 'n bietjie in die pragtige tuine van Ravenswood

Die pragtige kos na die lansering

Boris Gorelik het ook by twee verdere bekendstellings onderhoudend oor die boek gesels; die een die volgende dag tydens die Universiteit van Kaapstad se Somerskool (waar hy ʼn kursus aangebied het oor ‘Russians at the Cape’), en die ander een op 11 Februarie by die Bookdealers boekwinkel in Johannesburg. Daar is ook twee radio-onderhoude met hom oor sy boek gevoer.

Boris Gorelik praat tydens die UK lansering

Boris en professor Jane Carruthers tydens die lansering by Bookdealers in Johannesburg...

...en die partytjie agterna

2015 Besoek aan Paarl Media, ons Drukker

Ons het verlede jaar met ʼn tradisie begin. Op Dinsdag 15 Oktober vanjaar het sewe van ons lede Paarl Media besoek om te sien hoe vanjaar se volume ('An Entirely Different World': Russian Visitors to the Cape 1797-1870) van die rolpers afkom.  Jermayne Dryden en Rhosa Chamba het ons deur die groot gebou geneem en uit  hul pad gegaan om die besoek aangenaam en leersaam te maak – eenvoudig onvergeetlik! Die dag is afgesluit met koffie en koekies – ʼn dag om te onthou.

     

Paarl Media se indrukwekkende vooraansig.   In die ingangsportaal is 'n pragtige gedenkteken vir die werkers wat in 2008 gesterf het in die vuur van  Paarl Media se ou fabriek

 

 

En hier is hulle almal: Jackie Loos, Allain Ravelo-Hoerson, Andrew Duncan, Sandy Shell, Francois Verster, Peter Wight en Elizabeth van Heyningen…

... en hulle getroue gidse, Rhoda Chamba en Jermayne Dryden

Sandy Shell wys die buiteblad

En Jermayne vertoon die bladsye wat die storie van Posyet vertel

Richmond 'Boekbedonnerd VII' Fees

Elizabeth van Heyningen was van 23 – 25 Oktober daar om te praat oor die briewe van Olive Schreiner. Haar lesing is goed ontvang, vier nuwe lede is gewerf en almal het dit baie geniet. Die Bookbedonnerd Fees is nou al ‘n hele paar jaar aan die gang. Darryl David van die UKZN (Pietermaritzburg) organiseer dit, en hy sorg vir ‘n heerlike ontspanne en vriendelike atmosfeer. Aangesien daar nie parallelle sessies was nie, kon almal al die lesings bywoon, en tussen-in kon skrywers en lesers mekaar ontmoet en gesels.

.

‘n Vrolike Elizabeth saam met ander sprekers

                       

 

 

 

 

 

Taamlik ‘vyftigers’, of hoe?

Soek die Schreiner wat te koop is.

Die sessies, wat baie tweetalig was, het gewissel van ‘n praatjie deur ‘n Natalse veearts, tot ‘n aantal digters wat hul gedigte in Afrikaans en Engels voorgelees het, tot ‘n geskiedenis van Barrydale en ‘n volume oor Ooskaapse brûe. Laasgenoemde mag miskien ‘n bietjie  vervelig klink, maar die skrywer het ons met sy geesdrif oorrompel – soos wat baie van die ander sprekers ook gedoen het. Richmond is ver van alles af en die akkommodasie is beperk, maar dit is waarlik ‘n fees wat die moeite werd is.



In die aand ‘n "Elvis"-konsert!

Elizabeth sê: "As dit moontlik is, sal ek wil sorg dat die VRV in die toekoms elke jaar by hierdie fees teenwoordig is. Ek het dit soveel geniet dat ek glad nie omgee om op eie koste daarheen te gaan as Darryl nie vir almal kan betaal nie."

Hier is die webwerf van die Boekbedonnerd-fees:
 http://www.richmondnc.co.za/index.html

Boekefees Vrydag 13 tot Sondag 15 Junie 2014

Ons edele en brawe vrywilligers het die klein uitgewersruimte vir drie skofte elke dag beman en bevrou. Hulle is: Sandra Commerford, Howard Phillips, Nigel Amschwand, Tanya Barben, Stephen Craven, François Cleophas, Yvonne Reynolds en Cora Ovens. Hulle het 12 nuwe lede gewerf en 23 van ons pragtige volumes verkoop. Ons bedank hulle van harte!

Sandra en Nigel verlei ‘n besoeker

Cora lyk half skrikkerig

Dit was heerlik om nuwe en ou lede te ontmoet en ‘n bietjie ons netwerk te versterk.
Aangesien ons ‘n groot aantal komplementêre kaartjies van die fees-organiseerders ontvang het, het ons haastig ‘n epos aan ons lede in die Weskaap gestuur met die nuus dat die eerste tien wat inbel, ‘n gratis kaartjie kon kry. Die gelukkige ontvangers van die kaartjies was Patrick Tummon, Chris Rainier-Pope, die bibliotekaris van die Iziko Museum, Mike Bosazza, Ian Rauch, Joe Tyrrell, John Plummer, Alain Ravelo-Hoërson, Wilhelm Snyman en James McFarlane.
Verder het Gorry Bowes-Taylos ‘n onderhoud met Howard Phillips oor Fine Music Radio gevoer, en ons het een van ons volumes as prys uitgeloof vir die een wat eerste inbel met die korrekte antwoord op ‘n eenvoudige vraag. Renate Krentz was die gelukkige wenner.

Renate Krentz met die kopie vanTrials of Slavery wat sy gewen het

  Opnames van ouderhoude.

Ons het 'n hele paar onderhoude wat oor VRV-sake handel. Gillian Godsell het op 22 September 2009 met Gerald Groenewald 'n onderhoud oor die VRV gevoer. Dit was oor Radio Today, 'n Johannesburgse radiostasie. Sommige van u sal onthou dat Gerald by die UK Somerskool 'n lesing gege het oor volume 36 van die VRV, Trials of Slavery, wat hy saam met Nigel Worden geredigeer het. Klik op interview  om hierna te luister. Ons het ook
Randolph Vigne se onderhoud met Gorry Bowes-Taylor oor Thomas Pringel (klik
interview) . En verder die webtuistes van twee onderhoude met Peter Limb oor A B Xuma, by  http://afripod.aodl.org/ en   http://www.youtube.com/user/SABCSAFM?feature=mhee
Lekker luister!

Toekomsmusiek

 ‘n Hele aantal genres is in die pyplyn vir die volgende jare, van 18e-eeuse reisverslae tot dagboeke van eertydse inwoners van die Kaap tot die versamelde briewe van prominente Suid-Afrikaners. In die laaste kategorie, byvoorbeeld, is die briewe van politici soos M. T. Steyn (president van die Oranje-Vrystaat van 1896 tot 1902), en dokters soos James Barry (oor wie se seksuele identiteit veel meer geskryf is as oor sy belangrike mediese en politieke arbeid aan die Kaap tussen 1816 en 1828).

In die kategorie van beplande reisverslae staan twee publikasies uit: Peter Kolb se Caput Bonae Spei hodiernum (‘Kaap die Goeie Hoop vandag’), oorspronklik in 1719 in Duits gepubliseer,  terwyl in die dagboek-kategorie, dié van Lady Anne Barnard se eertydse mansbediende, Samuel Eusebius Hudson en van die Ooskaapse sendeling, eerwaarde James Laing (1803-1872), ryklik sal bydra tot ons kennis van die ontwikkelende Kaapse samelewing.

 Ondanks hul groot verskeidenheid, het al hierdie beplande publikasies een ding gemeen: hulle sal nuwe insigte in die Suid-Afrikaanse geskiedenis bied vanuit die perspektief van mense wat dit beleef het. Sodoende vervul die VRV sy doel om die verlede met sy eie stemme te laat praat.